37W產檢--足月寶寶

體重：61.3kg (135磅)，上次是60.6kg (133.3磅)。姑娘指增加的幅度很理想，但要保持不要上升得太多。話說懷孕至今，原來我已經增重約30磅了，真係勁。
血壓：127/71
心跳：85
波波心跳：153-163 （這個寶寶很好動，量心跳時身體不停郁）

才坐下，姑娘第一句是：37週，足月喇喎，想BB幾時出世？
我：快D都好架！^^
照完一輪超聲波後－－
她：頭仔已經向下，但未係話好低。
我：呢個時候係咪落咗去就唔會轉番上黎？
她：基本上係因為空間有限，但無人可以保證架。......得閒行多D，你有無扭下條腰？
我：扭腰？咁又無喎...
她：你有無睇過D人用生產球？就係咁，你當自己坐係個大波上面，左右扭下條腰囉。
我：哦！......有時我胸骨好痛，俾BB頂實，係咪佢對腳仔？
她：應該係patpat位，手仔腳仔應該係你個肚低少少位置。......下次檢查係一個星期後，如果你作動就直接響產房見喇！
我：呵呵，好啊！

題外話－－
之一
今日不知怎地，流程很慢，等見助產士花了45分鐘。期間姑娘請我填寫有關助產士服務的問卷。還好，可以打發時間。我提出有關座位的問題，因見好些陀著大肚子的準媽媽得站著等候，真替她們辛苦。反見有不少陪同孕婦前來的家人（丈夫／母親等等）都坐在有限的椅子上，直至姑娘出聲請那些家人讓座給站著的太太時，才有人醒覺立時起來。
我明白地方有限，增添椅子也許不易，但如如在椅子上貼上「孕婦優先」字樣，會不會是個很好的提示呢？

之二
話說今早出發時，遇上同樓層的鄰居先生，彼此寒暄幾句後，
他：你呢個係咪囝黎架？
我（笑著又好奇地）：點解你覺得係囝？
搬進來六、七年的他：我地呢座好奇怪，見親個個都幾乎生囝，好少聽到話生囡！我個囝都係搬過黎後出世。
我：咁得意？到時話你知！

波波到底係囝定囡呢，嘩哈哈～