辛苦。。。

波爸近來有點「少忙」，這星期他總是風塵僕僕，而今天一早就番大陸一轉，下午回香港公司見客，今晚再得陪我去聽講座。
一天之內，港九新界大陸去勻。爹哋辛苦了，天雨路滑，要小心開車啊！
最近波媽總是睡得不太好，也有點辛苦。
早上醒來時，我突然在房中痛苦地呻吟：呀～～好痛，好痛啊～～～
爹哋緊張地從書房急步衝入來：乜事？？生得拿？
我沒氣力地回應：小腿抽筋，好痛啊！
爹哋：我以為你穿水，嚇得我丫！
他耐心地搓揉了一會，媽咪的痛腳漸漸好轉起來。肚子大，睡覺時轉身也不易，或者因此令血液循環變差，便容易抽筋了。
說到肚子大，想起異性好友早一兩個月前，感同身受地說：個肚大頂住晒真係好辛苦，要彎腰又唔容易，人又無咁靈活，重心又傾前，腰骨又痛...
聽他輕而易舉羅例了許多大肚的不便，波媽大惑不解問道：你又知？你又唔會生仔，你老婆又未生過...？
友人不無自嘲地回應：我陀住個大肚腩十幾年啦，點會唔知？！
嘿，十幾年，真的太辛苦了！