36W產檢--見醫生

昨晚小波波特別活潑，不停鑽來鑽去，媽咪只睡得四小時，真的累透了......
近幾天，波媽確實有點辛苦：水腫情況明顯了－－手指時而腫得連婚戒都脫不下、睡不好加上天氣熱自然會心浮氣燥、胸骨又往往被寶寶的大力金剛腿撐著，呼吸亦有點困難......
嗯，波媽加油啊～～～
既然要到醫院檢查，睡不著賴在床上亦沒意思，提早起來吃早餐好了。至於檢查，搞了不只個半鐘才可離開醫院，超過九成時間是用來等待的。

說回今日產檢細項：
體重：60.6kg (133磅)，上次是58.6kg（129磅)，三星期的增幅蠻理想呢。
心跳：85
血壓：129/71
波波心跳：卜卜卜卜卜(應該同平時差不多吧，因為我看不到儀器上的數字！）

醫生按完我肚子後說：size正常，個BB似你喎。
我好奇地問：即係點呀？
醫：見你肚細細咁囉。
既然她指胎size正常，我話：細咪好囉，好生D。
我心想：腰骨都快要斷了，如果波波再大隻Ｄ我點算！
醫：係呀，D人搞到自己咁肥，其實攞黎辛苦！BB有無郁呢？
我：有，仲超多超活潑......
醫：咁咪好囉，即係佢好健康！
我再心想：承你貴言！

先去排下次覆診紙，再要等見助產士姑娘。昨晚睡得少，人明顯有點點虛浮。
波媽，要振作啊！
姑娘在我身邊向一位足40週的孕媽媽，溫柔地解釋下星期催生的過程和步驟，我豎起耳朵聽著，好吸收知識嘛。
那位太太離去後，姑娘翻看我的資料再笑笑說：你未夠期，唔駛催生住。
我也笑著回應道：了解一下啫。

下次產檢是一星期後。
小波波：記得過了下星期產檢才好預備出世，要乖乖地，但最好不要醫院催生啦。