跳出框框

放學後，有時會帶女兒外出吃午飯才回家，今天亦然。每當她知道外出吃飯時，都會非常踴躍發表意見，這次也不例外。
女：媽咪，我想食ｐｉｚｚａ。
 媽咪想起剛才去程時聽到電台節目的內容，便和女兒分享。
 媽：頭先我聽電台，話外國一間學校，因為學生有肥胖問題，所以老師用咗一個方法，如果午膳時小朋友拎起ｐｉｚｚａ、漢堡包、薯條呢Ｄ致肥食物時，老師就會按鍵，小朋友坐緊既凳會即時通電，咁佢地就會俾電電一下，等佢地醒覺要選擇健康既食物。
 女：咁如果佢地唔坐，企起身食呢？
 媽咪大笑，欣賞女兒想法全面，往往可以跳出框框！不過，事後當然仍要重點提示——要懂得選擇健康有益的食物。