從汀九灣說起

是日看到一則新聞，說汀九灣的水質是全港最差的地方。
記得我們也有帶過女兒去那裡兩三次，貪其比較少人、容易泊車，而且位處汀九橋底，景色相當不俗。雖然一直都覺得那裡水質不好，但畢竟女兒以玩沙為主，我們也沒所謂，卻沒料到竟然被掛上全港水質最惡劣的泳灘之名。
 女：咁邊個沙灘Ｄ水乾淨Ｄ？
 媽咪立時想到一貫以水清沙幼聞名的淺水灣來。
 媽：淺水灣應該好過佢卦。唔知深水灣又好唔好呢？
 孩子以為媽咪說笑，立時反問：邊有深水灣架？！
 媽咪趁這機會正好指出她太主觀，便說：係有架喎。你未聽過，應該問下係咪有深水灣先，或者問係邊度，唔應咳一口咬定冇呢個地方。
 然後，媽咪再舉例問：咁有無白沙灣？
 女兒似乎學精了，說：有呀。
 媽咪答曰：係喎，真係有。咁你覺得有無黑沙灣呢？
 女兒說：有啦。
 媽咪再繼續問：有冇咖啡灣？
 女兒一定從爹娘口中聽過此地，所以她滿滿自信的說：有！
 媽咪再打趣問：咁有冇奶茶灣？
 女兒嘻哈大笑曰：梗係冇啦！
 呵呵，無聊但有趣的對話。