補習班的第三堂

中文讀寫班下課了，媽咪和老師談了幾句。。。
媽：佢肯唔肯配合你上堂做既嘢？
師：ＯＫ呀，都好肯做。
媽：咁就好喇。
師：兩個小女孩，開初一兩堂比較文靜，上到今日混熟咗，就開始多咗傾愒同埋玩，在所難免。
媽：咁老師要嚴厲Ｄ喇。
師：我驚佢地唔鍾意我惡嘛。
媽：適度惡，都需要既。
師：好！咁我會調節一下。
老師交代一下是日課堂的內容和進度後，她向女同學媽媽指出她孩子寫字的意慾很低，再交代了幾句後，她轉過來向著我。。。
師：你女兒寫中文字問題不大，不過一旦遇到困難唔識時，就會整古造怪，唔肯做呀、踎落枱底玩呀呢Ｄ。我了解咗佢特性之後，響呢Ｄ位多Ｄ提醒佢點做，佢又會肯配合返。但佢作文明顯較弱，對於詞性概念混亂，我會同佢講多Ｄ不同詞性，好似動詞／名詞／形容詞呢Ｄ。兩個小女兒各有長處又互補不足，而且又有合作關係，咁樣既組合，對兩人都有好處。

三堂時間，老師對咱們女兒的表現和能力，總算有一個頗準確的評價。這裡收費不便宜，是有點原因的。