媽：你聽日放學後係學校功輔班盡量做晒Ｄ功課啦，因為放學後你要去補習，返到屋企好夜喇。
女：但我星期五唔使返學嘛。
媽：係喎，不過都盡力做多Ｄ啦，仲要記得之後唔好上校車，我會去接你。
女：哦。
是日接放學時，女兒竟不在往常的課室做功課。媽咪在不同的地方遊走了許多回，及後得到同學的指引，才找到女兒踪影。其時，距女兒開始補習的時間不遠了，媽咪心中難免焦灼。不識時務的小家伙這時卻在課室內大聲說：我唔要去補習，我要留係學校度幫手。
媽咪沒好氣的站在課室前，由得老師勸導她。
終於，這孩子以龜速從課室行出來了，卻又告訴媽咪：我書包係樓上。
看看時間，媽咪自知面容有點繃緊，但一直按捺住自己的憤懣，便不發一言陪她去收拾書包。
收拾好所有東西後。。。
女：媽咪，我只做咗一樣功課咋。
媽咪面色一沉，繼續默默不語。然後，沒看她一眼，便快步離開校園。
女兒感受到風頭火勢了，開始施展她的纏繞技巧，一時說：媽咪，我想拖住你，一時又說：我書包好重，你可唔可以幫我拎一陣？
看著這小小的丫頭和大大的書包，媽咪又立時心軟了。
媽：做乜今日書包咁重？
女：我有好多功課啊！你知唔知點解我只做咗一本功課，我個人又咁攰？
媽：唔知。
女：英文老師今日邀請咗我地班其中四個同學，放學後幫佢手預備星期六開放日既嘢。我上上落落咗樓梯五六次。
媽（晦氣地）：你唔做功課，因為你覺得幫老師整嘢好好玩，好玩過做功課？！
女：我唔係去玩呀，我係去幫手咋。
媽咪沉思了片刻：學校每年一度開放日，難得老師邀請女兒幫手。功課嘛，反正一連四天假期，之後慢慢做也不遲。能做老師的小幫手，自我感覺非常良好之餘，也令她佷有成功感。但，她又深怕媽咪認定了她去玩，所以必須好好澄清。
媽：哦，原來係因為你好開心幫到老師手。但你一見我時話自己唔要去補習，媽咪覺得好唔開心，因為我同你約好咗今日黎接你放學就去上堂，但你講到好似我忽然迫你咁。加上我頭先係學校四圍都搵唔到你，所以我既辛苦又唔開心囉。
女兒沉思良久，說：對唔住，媽咪，我知道自己唔啱喇。
媽：咁你覺得自己有咩唔啱？
女：我唔應該唔肯走。
媽：媽咪明白你當時好想繼續幫老師，但都要識得權衡輕重，我地好趕時間嘛。
一個既熱心幫老師忙，又肯道歉懂得自我反省的小孩，說到底，媽咪切實要好好欣常她的。
較新的文章
