髮型與身形

的確，小波波是個很多頭髮的孩子。

 嗯，她出世時，媽咪躺在手術台上只看了她一眼，當時除了覺得她不太漂亮外，就是記得她有很多頭髮。嘿！之前契媽問波媽為何總說自己的孩子不漂亮？剛出生時的波波眼尖尖又面脹脹，未退腫又未收水，我只是清心直說^^

因為這個濃密髮型，加上較龐大的身形，波波不只一次被人以為她已經很大個：


事件一
商場遇已為人父的舊同事：
佢：BB有無五、六個月？
我：唔係呀嘛？個零月咋喎！
佢：吓，咁多頭髮。。。

事件二
路過的嬸嬸：
佢：呢個B有四個月喇可？
我：個幾月咋。
佢：嘩，個樣好老積喎！係咪男仔黎？
我：...女黎架！（心諗：咁大鑊？！）

事件三
餐廳服務員：
佢：呢個BB好大隻，有無七個月？
我：都未夠兩個月。（心諗：你識唔識睇架？）
佢：嘩，出世只唔只十磅？佢食咩奶粉架？
我：八磅幾啫。（再心諗：食乜關你咩事 :>)