寵。愛

老實講，我一直希望波波塊面圓碌碌，咁先切合佢乳名嘛，實情係：佢下巴好尖！

打從我懷孕起，枕邊人雖然口口聲聲話仔女都好，但依然每天喃嘸佬上身似的：「我要個女！」
明明，生仔定女，不是女人話事的。
好啦如爹哋所願，我們家有個女兒了。兩人相處了三星期，看得出，這個女兒得盡爸爸寵愛。
媽咪對著孩子，得不斷摸索她的脾性，有時，對於她無端喪喊，當然會感到很無助又無奈。
昨晚。。。
爹（試探的口吻）：見佢係咁喊，你會唔會想掟佢出街？
媽（心想）：你係咪試我有無產後抑鬱咋？便回應道：咁又唔會，係有時會覺得少少煩。其實當佢喪喊時，覺得佢好可憐就真，又唔識講自己做乜事？係咪邊度唔舒服？有咩需求？
聽罷，爹哋大概認為媽咪正常，便很放心，繼續抱著女兒在家中「遊花園」！這個女兒，不扭抱才怪，根本已經被寵壞了！