阿福

是夜，爹哋拿著手機，跟女兒分享網上舊物的照片，包括一些爹娘年代的遊戲機／零食等等。
媽咪不斷聽到爹哋說：我細個有呢部、嗰部卡片機。。。
聽著聽著，媽咪戲言：嘩，原來你細個係阿福嚟，乜遊戲機都有，你個有錢仔！我細個只係我哥向同學／朋友借部機返來，我先有得玩咋！
爹哋不同意道：你成日同我講你細個食過好多款零食，我好多都未食過，當時只係不斷想像係咩味道咋！
時移世易，爹哋喟然歎曰：呢Ｄ咁簡單既遊戲機，玩來玩去都係同一個版面，阿女唔會有興趣，而家隨便上網搵個遊戲，都變化多端。但細個時，我地玩呢Ｄ咁簡單既遊戲，已經覺得好開心。
是的，我們兒時卡通片的阿福，都已經改叫小夫多時，一切不可同日而語。