開學前夕

開學前，收到學校電子通告，提醒明天要帶備的用品，當中包括一張小二學期尾預繳本學年的簿費收據。呵，女兒當然不會找到！
女：媽咪，我真係唔知張收據去咗邊，點算？
媽：搵唔到都無辦法，你到時同老師講已經交咗，但收據唔見咗囉。
女：唔得架，好驚佢會鬧。
媽：邊個叫你唔收好。
女：咁點算呀？
媽：係你自己冇手尾，梗係要自己承擔後果啦。
女：咁點算呀？你同我搵啦。
媽：你自己既事，梗係自己負責啦。
在讓她擔心了好一會後，媽咪才緩緩吐出一句：學校會有記錄架啦，不過你有收據就唔使查返啫！
女：你咁講我就放心喇。
（其實咁小事，有乜好擔心！哈哈）

家長群組裡面，有家長提出明天要交功課。雖然學校通告並沒提及，不過媽咪還是提女兒要帶回去，起碼肯定她能找到功課出來。
女：我份功課仲未改好，你同我一齊改啦。
她是指英文閱讀報告，之前媽咪提過她某些地方要修改，但這孩子一直懶懶閒。想起早前暑期班導師勸諭媽咪不要太肉緊孩子的功課，媽咪故亦樂得做個懶媽媽。但上學提交在即，原來這孩子還是會緊張的，媽咪便請她逐句細看，自己找出要修正的地方，當然，偶爾也會給她一些提示的。
改了一遍後，她以為已經完美無瑕了，正想收起之際，媽咪提醒道：其實仲有Ｄ嘢錯，不過如果你搵唔到都唔緊要，我地照交啦。
女兒緊張地問：邊度錯？如果你明知有嘢錯，我梗係改番先啦。
媽咪悠閒地說：上次暑期班導師提我唔好改你Ｄ功課，以免傷害我地感情，我覺得好有道理，所以功課如果你搵唔到錯處，我地留返老師改啦，咁你可能會深刻Ｄ記住。而且，改功課係老師責任，唔係我嘛。
女兒沒跟媽咪再說甚麼，便收起功課了。哈，以這種態度面對女兒的功課，果然輕鬆得多。