溫柔

一如每個放學後的傍晚，媽咪開始替女兒對功課。
媽咪正欲極速對好功課又要趕住煮飯，對著疲憊得快要斷電而又軟躺在沙發上的孩子，我不是沒有同情心，但只知她還未完成所有功課，只想她未閂總掣之前，做妥所有作業。
媽（好聲好氣地）：你呢度做錯咗喎，過黎改返先。
女（不情不願地）：冇錯呀！
媽（繼續好聲好氣地）：過黎睇下先啦！
女（開始晦氣）：都話冇錯囉！
每一次，她總是回以這種不著邊際的答覆，二人的情緒也變得愈來愈高漲了；互相再往還三、五個回合之後，媽咪的能耐開始減退了。。。
媽（嚴正地）：過黎。
女（死蛇爛鱔地）：我好攰。
媽（命令式）：你即刻過黎！
女：。。。。。。
媽（嚴正地命令）：我要你即刻過黎！
女：。。。。。。。
媽（嗓門高高地發施號令）：你聽唔聽到？我要你即刻過黎！！
女（哭喪著臉似的）：而家過緊囉！
由請她過來，到她真正行動，就像過了半世紀，而且，彼此心中也感委屈。
女（很受傷害似的）：媽咪，你可唔可以溫柔Ｄ呀？只要你細聲Ｄ，我就會即刻過黎架喇。
聽她這麼說，媽咪也就立時心軟了。
媽（溫柔地苦笑）：我梗係可以溫柔Ｄ啦，但我細聲得滯，你好似聽唔到嘛！

孩子，你知道嗎？天底下每一位媽咪，曾經都相當溫柔的，嘿嘿～～