家中黑客

家中電視一直設了密碼：當女兒想看前，必先得到爹娘肯首。
這個大清早，女兒坐在梳化前拿著電視遙控器，笑瞇瞇。她的笑容，有點自滿，又帶點狡黠。很快，我們發現她竟然是在看電視。。。
爹（試探）：嘩，好叻喎，你識得自己開電視。點開架？點入密碼？
女：我試試下就得咗。
她一面說，一面示範剛才的連串動作。
然後，爹娘在睡房內竊竊私語。。。
媽：點解佢會開到電視？佢知道密碼？
爸：電視頻度先要用密碼開，但原來開Ａｐｐｓ唔使入密碼 。
媽：咁有無得鎖？
爸：除非剷晒Ｄ　Ａｐｐｓ。好多黑客，可能都係千百回誤打誤撞之中破解電腦。
高手果然在民間！
其實，女兒主要是在ｙｏｕｔｕｂｅ內看卡通短片，或者是看玩具開箱短片那些。媽咪不會視電視為洪水猛獸，畢竟自己小時候也看了不少，呵！但小朋友有限度地收看，並且要小心選擇節目，也是自己堅持的。

縱說過不再迷戀Ｅｌｓａ，但有人仍看得如痴如醉

才踏出客廳，女兒下意識便保護起電視遙控器來。
媽：我無話唔比你睇，唔使咁緊張！你好叻喎，自己開到電視睇。
女兒稍稍放下了戒心，媽咪便開始說教了。
媽：你知唔知點解電視一直設咗密碼？
女：因為你唔想我成日睇。
媽：電視係可以間中睇一陣既。但，除咗睇電視，我地仲有好多嘢可以做，例如睇書。你之前成日話冇時間睇書，趁而家臨放暑假無咁忙係大好機會。
女：哦。
媽：仲有，雖然你開到短片睇，但我地其實有個殺著，就係鏟Ａｐｐｓ，但你都唔想架！所以記得下次想睇電視時，要問咗我地先喎。