玻璃心

放學前，嫲嫲正好致電來，是掛念孫女吧。於是，媽咪請孩子回家後，回個電話。沒料到，電話接通後，她卻一言不發，就連叫一聲嫲嫲亦不肯！
掛上電話後，她直說：我唔想講嘢。
這，準是有點反常，因為以往她每次跟對方說話都像開籠雀。
然後，媽咪當然責難了幾句，直指她沒禮貌。
做功課時，她表現得非常情緒化，動不動就大哭大鬧。嘈了好一會後，自已爆響口說：班主任又鬧我，你又鬧我！我響學校都喊啦，喊，有乜所謂！
起初，媽咪問了好幾次學校發生了甚麼事，她老是不說。
無論甚麼年紀的人，都渴望被憐惜和愛吧！ 於是，媽咪擁了她入懷並輕撫她的頭，為她遞上了紙巾並拭去眼淚。忽地想起她說過讀小學便不會再在學校裡哭，今天是第一次嗎？
媽：你話上咗小學後唔會響學校喊既？咁當時係咪好似而家響屋企咁大聲喊？
回家後，她縱一直口硬，但仍是冀望獲得心靈的慰藉吧！漸漸，她話匣子終於打開了。
女兒澄清道：我忍住Ｄ眼淚，但有Ｄ忍唔到，所以不斷捽眼。
她一面說，一面捽眼示範。她在家／校的表現和反應，確是兩個模樣。
媽：做咗咩事唔乖呢？係咪比老師寫咗手冊？
（媽咪直接從以往的經驗，推斷她不知在校又惹了甚麼禍而再次被老師寫手冊。）
女：老師都無寫手冊。
（未至於寫手冊，即所犯的錯都只是小事一椿吧。）
媽：咁你今日做咩事比老師鬧？
女：老師話我傾偈，因為隔籬個同學唔識寫個字，佢問我點寫。
媽：原來你教同學寫字，但老師話你傾偈！
女：係呀。
（不開心，是覺得自己受了萬般委屈吧！）
媽：咁你有無話比老師聽，你教同學寫字？
女：冇。佢唔會理。
（在家據理力爭又聲大夾惡的小人兒，在校內還不過是隻小鵪鶉！哼～～）
媽：我欣賞你去幫助同學，但係老師教緊書時你教同學寫字，就會兩個都聽唔到老師講嘢。比較好既做法可能係：你可以示意遲Ｄ先教佢，或者叫佢直接問老師嘛。
（她，可能只是當時不知如何應對，又或又知該怎樣絕別人。)
女：嗯。
媽：老師鬧你，係想教番好你，明白嗎？
女：嗯。

被老師鬧嗎？副班主任的密度應該更高吧；但，女兒對著班主任，顯然比較玻璃心。