貼心

早上，媽咪把一包全新的紙巾塞進女兒書包裡。
放學了。。。
女：我今日送咗包新紙巾比某某同學。。。
起初，媽咪以為對方喜歡紙巾外印著的吉蒂貓，所以女兒送了出去。
女：。。。因為佢冇帶紙巾。
媽：佢冇帶紙巾，你比一兩張佢用咪得囉。
（媽咪忽然慳家，呵呵。）
女：咁佢可能唔只要去一次廁所，我地又未必每次都一齊去嘛，所以我比咗成包佢。
哦！原來這個孩子相當貼心。
媽咪又想起日前，女兒硬要帶兩把間尺回校。
媽：帶一把間尺得啦，書包要盡量減重。
女：如果同學唔記得帶，我可以借俾佢嘛。
原來是為同學未雨籌謀。
媽：如果為咗怕同學無帶，咁你樣樣嘢都要帶兩份咩？
女（傻笑）：係呀。
一把小間尺，重極有限，媽咪也由得她了，但最後只補充一句：我好欣賞你咁肯幫助同學，不過，帶齊用品返學係小朋友自己既責任。