舉手

才上了一個星期多的學，就算放假這兩天，都會聽到女兒說一些關於她學校的事情。
女：媽咪，天父即係邊個？乜嘢叫做求主？啊們點解？
讀教會學校的小孩，起初都會問這些問題吧！
說著說著，媽咪相當好奇她遇有不明事情時，可有舉手發問？當老師問問題時，她又可有舉手答問題？
媽：你響學校有無舉手？
女：梗係有啦，但老師成日都唔叫我，只係叫過我一次。
媽：你一班三十人，都未叫勻全班，點會咁快又叫番你。不過，媽咪好欣賞你主動舉手！
女：梗係啦，老師話要踴躍舉手。
媽（稀奇）：踴躍你都點解？咁乜嘢叫踴躍？
女：即係老師問問題時，唔好咁怕醜，要多Ｄ舉手去答。
媽：老師問既問題你都識答晒，所以成日舉手？
女：識答果Ｄ咪舉手囉。
媽：你唔識答果Ｄ更要留心聽同學答，你先會學識嘛。咁你有冇覺得識答果Ｄ同學好叻？
女：都會架。
對於女兒願意舉手，媽咪心底有點欣慰：不過通常愈上得高年班，會舉起的手便愈少，漸漸地，往往變成老師單聲道踩全場。。。
期望女兒繼續保持這份舉手答／問的熱忱。