腰痛的人話鬼話

昨晚，波媽腰骨大痛。
孕婦在廿幾週後腰痛很平常，但這位孕媽媽，由十來週到如今三十週了，幾乎要痛足全程。
在床上要躺下來這看似簡單的動作，都大費了週章。
媽（辛苦狀）：哎吔，痛ｃ我了！
爹（帶點憐惜）：見到你就辛苦。
媽（口頭襌一樣）：你唔明架喇，成條腰都硬晒又無力，郁一郁都痛...
爹（懶醒狀）：我咩唔明！我明喎，就好似去酒店瞓張太軟既床，第二朝成條腰硬咗咁。
媽（扮哭著臉）：我腰鬼咁痛，你就講你去旅行咁開心！仲有，我講緊係痛咗幾個月，你同我講一兩日！
爹（繼續懶醒）：咩呀，我地去泰國住Shangri-La果次，住咗四五晚，我條腰痛足咁多晚架！
媽心想：哎！同你去慶祝生日，揀間好Ｄ既酒店，你個衰人仲要抱怨！話不投機。瞓覺。
爹似看懂她的心事，把頭倚在她肚皮前柔聲道：波波第時一定要孝順媽咪，佢呢幾個月咁辛苦！

爹哋總算識講人話了！