開學前的心理調節

是日，女兒上本年度最後一堂暑期活動。
這有關情緒的課，讓她學習認識喜、怒、哀及懼等。下課前，導師跟媽咪對談了大約十分鐘。
師：阿女本身好有主見，我想同佢玩某Ｄ遊戲時，佢話唔玩就係唔玩，都幾硬頸。好多堂裡面，佢都表現得好鍾意你，但你係咪對住佢有時都好勞氣？佢鍾意你之餘，都有表示出對你有怒、哀及懼等情緒。
媽：好多時同一句話要講好多次佢先有反應，我都明白佢有佢既問題同埋難處，但有時明知佢聽到我講嘢又專登唔理我，咁自然會對佢愈講愈大聲。
師：係咪做功課時大家既關係會好緊張？你覺唔覺得你都係個有要求既媽咪？
媽：我諗我都係有Ｄ要求既，見到功課有錯，好自然會提佢改番。其實暑假已經令大家都冇咁緊張，但功課點都係要做。
師：有Ｄ小朋友自尊心好強，而佢正正就係呢種，所以佢好唔想你話佢做錯，而且錯咗即係要改，即係未做完。
媽：意思係咪唔睇佢功課好Ｄ呢？
師：睇你願意放手幾多，同埋，睇下你覺得功課多個剔緊要，定係大家關係重要Ｄ。仲有，可能你都要調節埋老師既期望：有時，老師會指望家長對好功課先比小朋友交，如果你真係願意對佢Ｄ功課放手時，你都要同老師清楚表明自己立場。升上愈高年班，Ｄ嘢就一定深咗，佢遇到既難處一定更大。不過，大家都放鬆Ｄ啦。
好吧好吧，趁開學前，媽咪好好調節一下自己的心理和期望就是了。
也趁臨開學，給她去理一理髮，算是新學年的一個好的開始吧！

近來，她比較愛束短髮

是夜，這孩子又有點搗蛋了，然後，媽咪獨自坐在一角，有點怒氣和悶氣。這時，孩子遞過早前社工教我們做的療癒瓶來，請媽咪看著閃耀的金粉在小瓶子內飛舞，給自己冷靜的時間。

亂舞的閃粉，果真像紊亂的思緒

她，懂得提醒別人冷靜，但自己往往非常衝動。
沒法子，這個就是她！