魔鬼ＶＳ天使

黃昏時，跟女兒一起逛超市，這些日常很簡單平常的瑣事，在上學的日子卻很少可以發生。她其實很喜歡這個節目，因為有機會游說媽咪買這、買那，而媽咪亦樂得不斷重複說：唔買，唔買！
才回到家，要預備晚餐了，媽咪便請她協助把食物放進雪櫃去。
就這樣過了兩三小時後，媽咪才發現雪櫃下層冰箱沒關好門，內裡好些食物的冰都融化了。媽咪一陣陣氣上心頭，忍不住出口怪責她了。維維諾諾的她借故轉了話題，換回媽咪很有魔性的冷言冷語，說：我話你頭先做錯嘢呀，你做乜轉話題？我宜家唔想同你講嘢住！
聽罷，這孩子帶點憂傷的走開了。
那之後的一分鐘裡，幸好媽咪心中的天使便請自己冷靜下來：其實佢都肯幫手丫，只係做得唔夠好啫！都只係個幾歲人仔，仲好細之嘛。況且既然事實已如此，鬧佢都於事無補。仲有，我地應該要多Ｄ讚佢架，社工先話佢做人唔夠自信，咁如果佢成日做完嘢都咁負面，對佢有無好處先？
然後，媽咪走到她跟前，看著她扁起的小嘴說：其實媽咪細個都成日做錯事，又或者有Ｄ事做得唔夠好。其實人人都會做錯事架，只要我地下次小心Ｄ，唔好再犯同一個錯，咁就已經係一個進步！
然後，媽咪禁不住送她一個擁抱，並告訴她：媽咪好愛你，你做乜嘢事都要繼續努力啊！