無限ＬＯＯＰ

女兒近日有兩則對話，頗令媽咪有點深思。。。
其一
女：媽咪，今晚我想洗頭。
媽：聽日先啦。
女：但係我好想今晚洗喎。
媽：聽日先啦，聽日早Ｄ洗。
（無限ＬＯＯＰ之後。。。）
女：我真係好想今晚洗喎。
媽：好啦好啦，洗啦洗啦。
女：好嘢！我都知講多幾次，你實得。
其實媽咪是怕她太煩，這些小事，由得她吧。只是，原來她已經相當了解這「遊戲的玩法」！

其二
女：考完試後，我想去ＸＸ、ＹＹ、ＺＺ度玩。
媽：好！比心機考完試，再帶你去玩。
女：但係，我有咁多地方想去，未去晒都到下一次考試喇。
媽（笑）：你講得啱，因為差不多兩個月就要考一次試，似乎你已經好明白小學生活係點。
聽女兒說得有趣，但想深一層，心底不禁有點悲涼——小學生涯，就是這樣考試無限ＬＯＯＰ？！