飯桌上的對話

爹哋不在家。
母女倆一起共晉晚餐，媽咪煎好了女兒愛吃的玉子燒。
正當媽咪要把一片玉子燒送入口時，女兒應該是忽然想起了爹哋。。。
 女：媽咪，呢塊最大最靚既玉子燒係留俾爹哋架。
 媽咪冷不防她忽然說這一句，便把幾乎送入口的食物放下，若有所思。
 女兒看了看媽咪，說：媽咪Ｉｌｏｖｅ　ｙｏｕ！
 五歲半的孩子，原來已經太懂得看別人眉頭眼額了。
 媽咪摸了摸她的頭，但還是一口吃掉食物，她看得有點驚訝。
 媽：爹哋今晚唔同我地食飯，我下次再煮過俾佢食啦。不過媽咪要讚你乖，原來咁錫爹哋。

 飯桌上也有魚，孩子吃得津津有味，這是她最喜歡的煮法之一。
 女：媽咪，你煮既魚係最好食架。
 媽（笑）：鍾意食，咁食多Ｄ。
 女：我唔會話比嫲嫲同婆婆佢地知，因為佢地聽到會唔開心。
 原來這個孩子的思路，已經相當複雜！
 媽：咁你覺得呢條魚好食，但每次嫲嫲同婆婆會煮另一條你食嘛，咁你可以話佢地煮既每條魚都好食啫。
 媽咪是教她處世要圓滑定叫做走精面呢？
或者是語言偽術吧。。。
然後，媽咪把女兒以上這些話向爹哋轉述。
 爹哋說：阿女最叻係氹人，同埋激人。
 不能認同更多。