交朋友

放學時，母女倆討論起某位同學。
媽：你地兩個係咪好朋友？
女：係。佢高過我少少，但佢都有同我一齊玩。
 媽咪不太理解女兒的邏輯：交友跟身高到底有何關係？
 媽：我地識朋友，唔係睇佢身高體重，或者外貌架。
 女：係呀，最緊要係睇下佢個人係點，乖唔乖呀，果Ｄ。
 媽咪聽得女兒以乖作為交友的條件，立刻打蛇隨棍上。
 媽：要睇乖唔乖呀？咁你有冇朋友架？
小妮子聽得出媽咪的言外之音，是想揶揄她有時不夠乖巧、聽話。她立時反擊道：梗係有啦，我咁乖！我有好多好朋友呀！
 然後，母女二人擁在一起嘻哈大笑。