怕生不怕？！

女兒好朋友C的媽媽，逢星期五都會接她孩子放學，今天亦不例外。 兩小女孩快快樂樂走到校門外前，Ｃ媽忽然請Ｃ向正在校門閘前的校長送上「求位信」。。。
 Ｃ媽：你親手交比校長，話係你代細佬交比佢，咁就得喇。
Ｃ（面有難色）：我唔想咁做。
Ｃ媽：你咁做，校長就會收埋細佬入黎呢度讀書架，你想唔想細佬入黎呢度讀書？
Ｃ：我唔想比細佬入黎，我唔想比校長！
媽咪我牽著小丫頭的手，起初以為她留下來，可以好好鼓勵Ｃ親手交信給校長，但後來又心想：可能我地望住，反而會為Ｃ添上幾分壓力，便向Ｃ和她媽媽說我們先告辭了。
 擾擾攘攘，卻見校長已離開校門外出了。
Ｃ的弟弟今年九月將入讀Ｋ１，目前是學校的備取生。為了爭取入讀機會，這已是Ｃ媽的第三封求位信了。
上到車，媽咪忽然很想知咱們女兒對這事的看法。
媽：如果你有個細佬，又或者如果係表弟，你會唔會幫佢交封信比校長？
女：梗係會啦。
媽：點解？
女：因為好容易之嘛，唔使咁怕醜。
講就無敵，做時是否有心有力？
由於今次只是個假設的問題，媽咪無從知道事實是否確如她所說。
不過，近來媽咪發現女兒有一件非常有膽色的事。話說日前，她向媽咪唸了一首英詩，媽咪留意到她表情十足，又有做到聲調大小變化。
女：老師話每班會選兩個小朋友出黎。
她說得沒頭沒尾，媽咪便嘗試協助她說得圓滿一些。。。
媽：係咪學校有英詩比賽，老師話每班會選兩個同學出來做代表？
女：係。我好想有份。
聽她這麼說，媽咪相當稀奇，原來她的表演慾相當之強。不過，平心而論，以女兒當時的流暢度，應該又未夠資格代表自己的班喎，但當然媽咪也不會即時打沉她。
媽：咁你努力Ｄ練習，預祝你成功！
 然後，卻又不見她再有練習了。
從這件事上，媽咪坦然非常欣賞她有自信又不怕面對群眾——雖然有時她依然會有怕生的表現。