溫暖的家

暮春三月，夜有點涼。
昨晚，媽咪發現孩子的手有點冰涼，又依稀記得女兒房內有件外套放在床尾還是哪裡，便請她自行入房穿上，卻換回一句：我搵唔到。
 好吧，給她穿上另一件外套。
 陪瞓的故事時間，母女倆入房後，媽咪明明見外套就在功課枱側。
 媽：件衫咪係度囉，頭先又話搵唔到，你有冇搵過架？間房又唔係大，幾百幾千呎咩！
 女：係囉，我地屋企又唔係大，唔係好似大陸咁。
 （爺爺深圳的家是複式公寓，比我們這裡大好多好多，女兒常以此來比較。）
我們有個屬於自己的家，而她更有自己的房間，單以居住環境而言，已經比太多人條件優厚啦。況且，一個家最重要的，並不是面積大小吧。
 媽：你知唔知道一個家最重要係乜？
 女兒想了想，說：係溫暖。
 媽咪聽她這樣說，幾乎感動得掉下淚來，她怎麼忽爾這麼成熟、懂事？！
 媽：咁點樣先會溫暖呢？
 心底出現了要包容、要愛和互相扶持等等這些標準答案來。
 女：要著多件衫。
 媽（沒好氣）：咁你著多件衫啦！
 嘿嘿，媽咪諗多咗喇。不過，回心一想，女兒的答法，相當符合她這個年紀。
 然後，媽咪當然仍趁這機會，向女兒灌輸家庭要有愛和關懷這些價值觀啦。