廁所文

溫馨提示：本文如題，是有關廁所的事，敬請注意！
接放學時。。。
女：媽咪，今晚我唔去ｐｏｏ　ｐｏｏ，我剩係沖涼得喇，今日學校ｐｏｏ咗。
往常女兒都是晚上洗澡前上大號的。如果所說屬實，她還是首次在學校開大。
媽： 哦？你響學校ｐｏｏ咗，咁邊個幫你抺ｐａｔｐａｔ？
女；我唔話你知。
媽：吓，點解？
女：我唔想講。
媽咪追問不果，也不迫她了。
臨吃飯前，女兒忽然說肚痛，媽咪推算她今天在學校時也是拉肚子。
媽：今日響學校係咪你自抺ｐａｔｐａｔ？
女：係。
媽咪竟然因這事忽然覺得女兒又長大了，可以照顧自己。
媽：咁你今日做乜唔話我知？
女：因為媽咪話過小朋友唔好自己抺ｐａｔｐａｔ，會抺得唔乾淨，我驚你會鬧我。
媽咪如夢初醒，想起之前拒絕過女兒說想嘗試如廁後自行清理。
作為媽咪，許多時候都太保護自己的孩子，又總覺得她某些事未夠能力做好；不瞞的說，有時覺得孩子慢（笨）手慢（笨）腳，阻礙事情進展。
廁所的事，給媽咪一個當頭棒喝：作為一個負責任的媽咪，應該學習慢慢放手。
媽：咁你今日響學校點抺架，不如你試一次俾我睇下。
女兒目光有點狐疑，難以置信媽咪會這樣說，但媽咪還是鼓勵她做給自己看。
結果，不出所料，有點嚇人。從略。
不過，她總算邁出了第一步。