閒談選校

這個星期，學校已不設功課，女兒每天放學後都開開心心地玩。的確，爹娘發覺她近日心情亦相對好一些，情緒亦較穩定。
是日送她入課室後。。。
師：而家冇功課做，佢係咪好開心？
老師真是太了解這個孩子了。
媽：係呀，日日為唔使做功課開心到不得了。呢個小朋友真係好唔鍾意做功課。
師：打算揀咩小學？
媽：呢個時勢，邊到我話揀邊間，睇考到邊間啦，而且又唔一定考得到，都係睇佢造化喇！
師：你地住邊區？
媽：都係個大區，有比較多學校可以揀。
師：到時填間區內好少少既學校囉。
另一同學媽咪搭訕道：你樓下間ＸＸ好好呀，好多人鍾意架喎。
師：係囉，呢間都幾好丫。
媽：仲好近我地，過條馬路就到。
師：咁好呀！
媽：抽到就係囉。
就以上一席話，媽咪發現原來作為幼師，總要認識一下各區小學的情況，以便跟十九區的家長閒聊。又，儘管住在區外的同學家長，竟然都相當熟悉本區的戰況。
勁！