K2外遊活動

女兒期待已久，今天終於隨校到訪衛生署的陽光小樂園，應該是介紹有關護齒知識的地方吧。
記得去年的外訪活動是參觀沙田文化博物館，放學回來之後她相當雀躍；不知是人大了還是怎樣，今天接放學時，她似乎表現得相對含蓄。
媽：今日你搭校巴時揀咗同邊個坐？
（記得去年外遊是自由選坐的，媽咪以為今次亦然。）
女：冇得揀架，老師話點坐就點坐。
媽：結果同咗邊個坐？
女：第一次（去程）同R，第二次（回程）同Ｇ。
媽：同R（好朋友）坐你咪好開心，有無不停傾偈？
女：老師話坐校車唔可以傾偈。
由九龍塘去旺角，車程才不過十來分鐘吧，但聽孩子這麼一說，媽咪忽然也替她們感到悲慘：熱切期待的外遊活動，不能選伴又不可聊天。。。
媽：咁你地真係冇傾偈？
女（笑著）：少少啦。
媽：細細聲其實係得既！
是日接待她們的是黃姑娘，女兒也分享了不少黃姑娘告訴她們的知識。然後，女兒說：黃姑娘對我地好好，我地班有個小朋友流鼻水，黃姑娘就比張紙巾佢抹鼻水。
媽咪忽然心想：你阿媽幫你何止抹過鼻水？屎屎尿尿都不知收拾過幾多啦！咁你咪應該覺得我超好囉！
當然，身為媽媽，照顧孩子是天職，壓根不能同日而語。