承擔

女兒的玩具，大大小小的，總是散落在家中不同角落。
她近日的新寵是一套小巧的釣魚玩具，每晚洗澡時都要用小盆盛水來玩一會。反正天氣開始熱，玩水正合，加上小朋友愛玩水，正常不過。
她洗澡後輪到媽咪了，一不留神，媽咪把她的小魚釣竿踏個正著，魚鈎應聲斷裂了。本來，媽咪打算由得它爛了算，只是才踏出浴室門，媽咪改變了主義。。。
媽：阿女，媽咪有嘢同你講。
（先取得她注意）
女：乜事？
媽：我唔小心踩爛咗你個釣魚竿，對唔住。
期望她會說不打緊，只是，她只看了看媽咪，點了點頭表示會意，卻甚麼都沒說。這樣，反而不知她甚麼葫蘆賣甚麼藥。
媽：對唔住。
女（思索了好一會）：我原諒你啦。
（出自一個四歲半小童的口，此話相當有趣味！）
媽：多謝你原諒我。我本來諗住個魚竿爛咗就算，唔話你知。但想你知道一個人做錯事，要識得承擔架，所以我要話你知囉。