買火龍果記

女：媽咪，你要用個腦記住！
媽咪心想：有乜緊要事？
女：你要記住記住，要買火龍果俾我食。如果你唔用心記住，你就唔記得喇！
媽忍著笑再心想：嘩，成個老闆咁下達命令，定係債主臨門呢？
聽畢女兒的訴求後，媽咪收歛起笑容，向著她說：如果你想食火龍，你應該問媽咪可唔可以買，而唔係好似命令式咁講嘢喎。
女兒樣子有點疑惑，然後媽咪似乎開始有點明白，大抵她聽過不少次，老師或爹娘都用這種語氣態度跟她說話。
媽：係咪有時你見老師或者我地會用咁既方式同你講嘢？
女：係。
媽：因為我地係長輩，所以有時會好似命令你咁。但如果反過來你咁同長輩講嘢，就叫冇禮貌喇。
所謂身教重於言傳，孩子都是白紙一張，作為家長果然時刻都要謹言慎行。