黑板默字

女：媽咪，今日R（女兒的其中一位好友）喊。
R跟咱們家女兒的個性南轅北轍：一個斯文淡定，一個活潑多言，卻又成為了好友，真有趣。
媽：係？佢做乜事喊？
女：佢今日去黑板度唔識寫字。
據知，孩子們在課堂內不時被老師要求到黑板默寫生字或計數等。又據女兒說，她上星期某天要默寫「守」字。她只記得「宀」而寫不到下面的「寸」，結果老師說要扣起半份茶點，待她放學後才能進食。
媽咪對她的話半信半疑：這孩子上星期的課堂表現強差人意而且態度極不合作，老師應該不單單是因為她默寫不到字而扣起她茶點的－－小朋友默寫不到字有多出奇！
媽：吓！？佢因為唔識寫字而喊？
女：係呀。
（記得在某次同學的生日會上，R媽坦言一直不擔心她女兒的學業成績，反倒是有點怕她太文靜。）
媽咪跟爹哋說悄悄話：你睇下！一直品學兼優既小朋友面對幾咁大壓力！唔識寫個字都要喊。。。我地個女肯定唔會因為咁而喊！
媽咪走到女兒面前，問：咁你冇冇安慰R？
女：冇呀，上緊堂唔可以講嘢。
媽（半帶嬉笑）：咁你出去寫字係咪成日都唔識？
女（有點不滿）：有時啦，都唔係成日！ 今日我識啊。
媽：今日寫乜字？
女：一。
媽：老師點會考你寫個一字，一字舊年就寫啦！你亂咁講。
女：真架，今日計數，答案係1。
原來是媽咪太主觀了！
媽：如果你唔識寫字，你會唔會喊？
女：唔會！唔識咪唔識，好小事！
呵呵，這個孩子真看得開。
退一步想，很明顯她在學業上，目前是沒有壓力的。