23W5D--飲糖水記趣

是日到廣華飲糖水－－耐糖測試，就是檢查孕婦有否患上妊娠糖尿。

• 昨晚十二時後禁飲食，半夜前特意吃個小蘋果和飲半杯水為夜宵
• 早上八點得到達醫院，七點幾已要出發，很累，很口渴...
• 姑娘很風趣，抽血技術超好，輪籌抽第一次血後就可自行拿杯子飲糖水
• 聽說糖水很難飲，有人更會飲到嘔，未飲之前，心中不無戒懼
• 排第四籌，才兩三分鐘骨碌骨碌飲盡，前面三人飲得慢，我也不好意思太快完成
• 第一號籌那位媽媽才放下杯子，我便立時緊接
  
• 實情我覺得幾好飲，溫溫熱熱，係就係甜少少，但可以接受喎，加上我都幾口渴
• 隱約見有檸檬果肉和核在杯內載浮載沉，是較甜的熱檸水吧
  
• 抽血的地方，令我回想起去年暑假做手術前入住的樓層，百般滋味在心頭...
• 某先生護送愛妻到達我們的房間前，兩人很癡纏：得知飲完糖水後兩小時要再抽一枝血才可進食，那太太扁嘴哭喪著臉撒嬌，男的努力哄她，在她臉上吻了又吻...
• 做戲咩？！但作為旁觀者，我覺得：充滿娛樂性囉，嘩哈哈^^
  
• 不禁回想起自己「後生時」參加過饑饉30，不吃沒難度丫，但當時可以飲水囉
  
• 飲完糖水向姑娘報告了飲畢時間，便可暫時離去
• 我飲得快，十點回來後排第二個抽血，真係叻叻媽咪 ^++++^
• 直奔出電梯大堂，會合正在等候我至發呆的波波爸
• 穿上醫院孕婦服的印巴籍待產媽媽或因陣痛太劇而淒哭，男伴則笑著安慰
• 看見此情此景，我心底不禁有點怕......波波爸話：你未有耐，唔使驚住！
• 男人，面對生仔，真係興鬆得可以～～～
  
• 身邊傳來誘人的外賣早餐氣味，未可飲食的我拉著爹哋的手，速撇遠離引誘
• 去到樓下的starbucks，爹哋即時問：「你想飲咩？」而閒坐的一小時裡，又多番同我講及店內的果汁／麵包／鬆餅，係咪打得少先？
• 準時十點折返醫院，嘩，大部分準媽媽都坐定定係度等夠鐘，好在我有爹哋陪咋
• 姑娘快手抽完第二枝血，可以去食大餐了
• 2工作天內醫院不來電即表示過關：我從來小心飲食，家族又無病歷，無事卦
• 但高齡喎
• 祝自己好運好了