送女兒回校上課，跟男同學Ｃ的媽媽閒聊。
她：而家D功課，我地開始時都要幫佢地好多。
我(心虛)：以前D功課，我女就係太依賴我幫，所以我講明轉校後會盡少插手。
她：上次拍片你有冇幫手？
我（覺得自己有點不負責任）：見呀女自己ｓｅｔ機錄又好似搞得掂，所以都冇乜理到佢，後尾係剪片時有幫少少啦。
她：近日教D數學都幾深，我仔話唔係太明尋晚份功課，分數對於佢地係新概念。
愈聽愈心虛的我，忽爾想起昨晚女兒問數。。。
話說，她那份才得四條的數學功課，題目用字不深，但她似乎在明與不明之間。
媽：你聽咗書點會唔識做？我又無跟你上堂，又唔知老師要求你點做，到底你有冇上堂聽書？
然後，有人鬼拍後尾枕，臉上掛著一串串羞愧的淚水來。
女：我知自己唔啱，上堂時好多次自己去咗睇ＥＢｏｏｋ。
吓，交咁多學費你上堂時去睇書？？不如你去圖書館算啦！但是，骨子裡仍欣賞這孩子勇於承認自己做錯了。
媽：睇書固然係好，但點解老師講書時你去睇其他書？如果你已經識晒，我梗唔會阻住你睇書啦，但你而家唔識做功課喎。
女：Ｄ書真係好好睇，我都有提自己唔好掛住睇書，提完自己就會即刻停，但有時忍唔住又會再睇返。而且，老師講書好悶。。。
媽：好悶，係因為你聽唔明定點先？不如你話我知，例如十句裡面，你而家明白到幾多句？
她表示大約聽懂八成，餘下的自行猜度應該也不會太難吧！
媽咪告訴她：你鍾意睇書，我都覺得好開心，但上堂係應該留心聽書，放學後先睇其他書嘛。你以為我地唔知你上堂時做其他嘢？你雖然閂左房門，但成日係出面聽到你不斷按滑鼠，都知你唔係聽緊書啦。既然我都知，你認為老師會唔知你上堂會做其他嘢？你知唔知上網所有軌跡都有記錄？
媽咪得承認自己有點靠嚇，但總之女兒聽到這裡便開始著緊起來，嘿嘿～
然後，媽咪要求下一堂ZＯＯＭ起，請她先移師回到從前的飯廳裡去。不過，心底裡知道：監察固然有用，但，隨著孩子年紀增長，自律其實更重要。
至於上課很悶，大抵外國老師的教法，已經相對多元化了，起碼今天放學後，女兒津津樂道著他們這天利用彩虹糖學分數，上完堂更有一包糖果拿回家，哈哈。
在此，希望她更投入上課的同時，也更能找到學習的趣味。當然，媽咪亦會儘量提醒自己要悉時協助，權衡輕重，不要只袖手旁觀～～
較新的文章
