心理學說

近日，孩子多了抱怨爹娘很煩。每當媽咪聽到，總會回一句：咁我唔同你講嘢啦。

媽咪往往說到做到，然後，孩子通常很快便會賠不是。昨晚，她向媽咪道歉時（一天到晚道歉十次八次是等閒吧！）說：我個心諗住你好煩時，我就忍唔住講咗出嚟，我都知自己冇禮貌，不過你成日教我，唔好呃你嘛，講大話咪仲唔好！

九歲，仍會直腸直肚。再大一點吧，大抵會更懂得掩飾自己。

媽咪近來努力減少重複發出同一個指令，反而多了向女兒提醒我只會說一次，而她可以自行決定是否合作／跟從。比如這天，她遲遲未肯做功課，媽咪也不進迫，反正近日功課不多，而且到星期尾才須交回學校。更之，畢竟我們要學習承擔後果。

快到黃昏了，孩子才施施然說：我而家做功課，你教我啦！

好傢伙！她的口吻，壓根就是上司命令下屬。

媽咪冷冷回她一句：我而家唔得閒喎！

此話一出，換來了一句：媽咪好衰！

媽咪悠然地說：心理學有個理論，話如果我地成日向對方講正面鼓勵既說話，比如「你比心機啦，你愈來愈進步、已經做得愈來愈好」等話，對方往往會更積極向上，更有動力去做好Ｄ，結果佢真係會進步架。相反，如果你成日話媽咪衰，自己諗下後果啦。

嘿嘿～～

語畢，又換來孩子一句道歉。