功課進度

上星期五黃昏，女兒才施施然拿出兩本數學功課來，那裡合共應該有四五十條數吧！既要解題又要計算，如果心不能靜很難完成。她磨了超過三小時，其間一直叫苦連天，更無可避免地大發雷霆。既累且惱怒之下，不出所料地幾乎計錯了一半！

臨睡前，媽咪告誡她：你一直逃避，堆晒Ｄ數學去最後先做，咁樣會好辛苦，你應該攤分開每日計少少。而且你個心咁唔安定，忙咗幾個鐘而結果又計錯咁多條數，係咪浪費時間，而且白費心機呢？

整個星期裡，媽咪只提醒不強迫，故意給她放任，好讓孩子知道，不好好規劃功課進度是自討苦吃！媽咪亦明白若她的心不安定，便無法好好計數，於是第二天早上，請孩子先吃一粒豆豆，再慢慢做改正。果然，一切相當順利，才半小時吧，便都改好。

這星期裡，孩子比較肯接受媽咪的建議，結果功課進度非常理想——她今天已經完成本週功課，可以印印腳等返校交了。