四朵曳花

暑期彈網班第二課。

今天的教練跟上次的不是同一人，這個似乎比較有資歷。媽咪觀看了女兒上網後一兩分鐘才離去。其時，教練不斷提醒她把上落時的開合動作調轉了。

她似乎並未掌握到節奏。

下課了，把她接回時，教練不經意攝出了一句，大意謂她不願意聽取指示，叫做甚麼也不願做云云。

媽咪笑著回他一句：咁我返去同佢傾下偈啦。
從觀課的十分鐘，以及下課後教練跟我說話時的言詞，非常肯定他為人相當和善。

離開場地後。。。

媽：點呀，好唔好玩？

女：ＯＫ啦。

媽：係咪好難？跟唔到？

女：係呀，都幾難。

媽：你未做到Ｄ動作同要求時，要同教練講，睇下佢有冇辦法幫你，而唔係唔理佢，否則佢就好似頭先咁，向我反映你唔合作喇。呢個教練係咪唔鬧人架？
女：佢唔惡。我地有四朵曳花。
（全班八人，只得一兩個男孩子，女多男少。四朵曳花？媽咪真有點失笑！）
媽：教練冇同其他家長傾偈，只係同我，咁代表咩呢？
女：我最曳囉。
媽：你覺得自己好曳咩？
女：係呀。
媽：你唔係曳，你只係活潑啫！

世上應該沒有天生不愛合作的人，他們大抵都是遇到不同的難題後不懂解決而變成逃避吧！