不情不願的游水堂

暑期泳班首課。
接下課時，媽咪心知不妙，因為女兒遇上之前教過她而被她形容為最惡的教練！
才牽著她的手準備離開，背後傳來一把男性的聲音，他叫著：媽咪呀媽咪。。。
我轉過頭來觀看，原來正是她的教練在叫我！
他和我說了幾句，大意是女兒非常緊張，全身僵硬，他根本無法扶著她的身體做任何動作。
說罷，他請我回去後好好跟女兒談談，否則這樣上課只浪費她的時間。
離去後。。。
媽：你係咪好驚呢個教練？
換來當然是她的附和。
她連忙點頭，說：係呀。
媽：其實教練都係想教識你，所以想你好好配合。如果你成個人硬晒，佢幫你唔到喎。
女：咁我真係好驚嘛。
她，的而且確很怕人惡！
媽：教練嚴厲係想你識，佢其實唔係惡！
（媽咪又巧言令色了，嘿嘿～～）
媽：佢可以唔理你，由得你唔配合又學唔到架，但佢冇咁做，反而專登走出嚟同我傾，係想幫你咋。如果你上堂時跟唔到，你就同佢講，睇下佢可唔可以換另一Ｄ方法協助你啦。
女兒的表情，當然仍是不情不願。
媽：我地下星期離港，比你休息一堂啦，之後返黎，你繼續比心機學啊！
其實，媽咪心底知道：這個暑期泳班，將會非常難挨。。。。