人魚公主

上學的途中，女兒說起人魚公主來。
女：媽咪，點解人魚公主坐響海邊嚿大石時，條魚尾要擺下擺下？
 媽：因為擺魚尾產生動感，會靚Ｄ囉。
 女：係喎，因為得人魚公主有尾，其他公主都無得擺尾。佢有無ｐａｔｐａｔ架？咁佢點去ｗｅｅ　ｗｅｅ？
 小朋友的問題，真有趣！
 媽：有！佢坐響大石上面，坐住既下半身咪係ｐａｔｐａｔ囉。
 女：咁佢去邊度ｗｅｅ　ｗｅｅ？無理由響個海裡面疴架，會整污糟Ｄ水。
 看來，她的公德心愈來愈強。
 媽：ｅｒ．．．佢可以上返水，可能去返嚿大石側邊疴卦。
 她相當認同媽咪的亂吹。。。
 女：係喎，上返水之後除咗下面條魚尾裙，咪可以去ｗｅｅ　ｗｅｅ囉。
 在滿足了她關於人魚公主如何如廁的問題後，她話題一轉。。。
 女：點解人魚公主上面唔著衫既？
 媽：ｅｒ．．．佢上身有兩個貝殼嘛。你邊有見過魚著衫架，Ｎｉｍｏ同Ｄｏｒｙ都冇著衫啦。
 聽得出女兒不斷在把童話故事的細節跟現實生活比照。不知哪一天，她會知道／明白，那些人物都只不過是故事創作而已。