從水氹說起

早上下了一場很大的雨，路面積著水。上學的路上，便跟女兒談起下雨天的駕駛禮儀。
媽：你大個開車時遇著落大雨，如果經過水氹一定要減慢車速，唔好踩行油衝過去，因為你坐住車咁舒服唔會濕，但如果衝過水氹，行人會比你濺到濕晒，好慘！
這是媽咪多年前親身被無良司機濺濕的慘痛經歷，因此必須預早提醒女兒要推己及人。
說到雨中行路，媽咪亦順便提她別踏上水氹。
媽：你望住地面，如果反光有倒影既地方，即係地面積咗水，咁你唔好踩上去啦，要行冇反光既地方，否則雙腳會濕晒。
女兒想了想，追問：如果成條路都反晒光呢？
媽咪當下很欣賞她的提問，證明她有聽自己的話，亦認真思索不同的可能性。
媽：條路積晒水，通常唔係一時之間發生，如果一早知咁大雨，梗係著定雨靴啦。但如果忽然咁大雨我地無準備到，而我又同你一齊時，我都會抱你行過去既——趁我仲抱得你起（笑！）。不過，第時你大個自己出街，又或者自己一個返學時咁大雨，唯有自己小心Ｄ唔好跌親，到時對鞋實濕晒架喇，梗係之前帶定多對襪，返到學校可以換啦。你記唔記得舊年有一日返學好大雨，老師都提有帶多對襪既同學可以換上？
 女兒點頭。
 到學校附近了，由於雨勢太大，校門外頗擠塞，我們便把車子停泊到前一條街，請女兒跟媽咪一起行那一兩分鐘的步程。
 這三年以來，她才首次穿上雨衣上學，是故心情相當興奮。但雨下得太狠，襪子沾了好些雨水。
女：媽咪，我對襪濕晒。
媽咪領著她行，一直確保她沒有踏上水氹的。
媽：只係雨水打濕少少啫，都無踩水氹，應該唔會太濕。但如果一陣入到課室覺得唔舒服，你就換上書包裡面對襪啦。
 一面說，媽咪一面心想：女啊女，車已經駛到學校側邊，你只係行兩步路咋。我見好多家長同小朋友行一大段路返黎，真係成身濕晒，你會唔會誤以為自己太嬌貴呢？　-_-
孩子啊孩子，你一定要多經風雨啊！