童話兩則

一 乾物
電視內看到某卡通片的預告，片名有「乾物」二字，媽咪想起早幾年前，某日劇以乾物女為題，訴說一個不修邊幅的女孩的故事。
女兒問起何謂乾物？
媽咪暗地偷笑，想起咱們家孩子總是丟三落四，亂七八糟，覺得她倒有點乾物的特質，但又不好直指其非，便說：乾物即係話Ｄ女仔，個人又冇手尾，整到Ｄ嘢亂晒，自己間房又唔收拾好。。。果Ｄ囉。你覺唔得呢Ｄ行為好熟？好似邊個人呢？
女兒知道媽咪在指桑罵槐，便反了一個白眼說：咪係你囉。
這個五歲小孩的這些言語行為，令媽咪心深覺得：她的童真在不知不覺間，已經愈來愈少。

二　馬蹄
晚上吃馬蹄肉餅，媽咪夾了一小塊馬蹄給女兒後，她問：馬體，係咪即係馬既身體？
幸好今晚她這般逗趣，在童真這方面挽回了不少分數。