老師的魔法

送女兒入課室後，媽咪特意和班主任談了幾句，了解孩子的課堂表現。
媽：佢係咪服從指令方面都係弱Ｄ？
師：好咗Ｄ啦，有時係會慢少少，但其實問題不大。
媽：尋日返學時，同組同學講咗好多次佢係全班最曳，佢有Ｄ唔開心。我想了解下佢上堂時係咪紀律都係差Ｄ，會唔會影響到其他小朋友？
師：係？可能同學成日聽到我地叫佢個名，以為佢唔乖，誤會咗。
媽：我唔擔心佢學唔識紀律呢Ｄ，小朋友大個咗應該會更能服從指令。我只係擔心佢會受同學排擠，影響社交發展。
（顯然，媽咪故意誇大其詞，嘿嘿～～）
師：放心啦，其實問題不大，可能同學誤會咗啫。當我地見佢表現好時讚下佢，佢好開心，又會表現得好Ｄ。不過隔一兩日佢又會慢番Ｄ，好似之前同你講我地叫佢拎茶點出來， 佢聽咗，好似要諗一陣先做咁囉。放心啦，我今日會再同佢傾下。
老師很貼心，很懂得安慰媽咪我這個家長。
放學時，女兒心情大好：我今日有Ｄ乖啊，媽咪！
媽咪問：係？老師讚你？佢同你講乜？
她沒交代甚麼，但說：我好乖啊，我要hello kitty貼紙。
果然是個機會主義者－－媽咪說過如果老師話她乖，媽咪才會送她kitty 貼紙的。
然後，媽咪發現她今天的表現，果然有點不同。以往每次離開課室和校門時，她都僅以口型向老師說再見。今天，她說得尤其洪亮！回到屋苑樓下，情況相同：她多番主動向保安姨姨揮手，大聲地說hello。
老師到底向她施了甚麼魔法？？