童話兩則

童話者－－兒童話語也。記錄近日女兒兩則妙趣童話，如下。
其一
放學後，女兒自言自語道：爸爸勤做工。。。
（大抵是老師教的歌謠之類吧）
媽：爸爸勤做工，咁媽媽呢？
女：你有時都番工，有時啦。
（吓？）
媽：咁媽媽做工又係為咗乜架？
女：搵錢囉。
媽：咁搵錢來做乜？
女：餵豬仔囉。
（她指自己的豬仔錢箱，這就是三歲小童的金錢觀了）
爹哋開腔回應：你咪就係隻豬仔囉！

其二
某日送上學時，老師覆述女兒早前的話：
女：我屋企好亂。
（原來她對於整潔都是有所追求的）
師：咁你要幫手執好Ｄ嘢喎。
女：我唔執架。
（仲好意思話比人知！）
師：咁媽咪要執得好辛苦喇！
女：佢都唔執架。
（衰女，抹黑媽咪！）
－＞放學後，媽咪向她複述了老師的話。事後，她忽然良心發現似的，竟罕有地自行收拾散落一地的玩具！