夜片

女兒已戒日間尿片多時，基本上也沒怎麼失手過－－除了早幾天因淘氣而拍打了她手掌一下，在哇的一聲大哭之同時，她更告訴媽咪：條褲濕咗啊！
前晚夜半三點，睡在身邊的小丫頭把媽咪從夢中叫醒：我要去wee wee!
媽咪不甘心不情願又心想：你著咗片，有乜事都有條片頂住！便對她說：瞓啦，快d瞓啦！
女兒加大力度的叫喊：好急呀，我要去廁所！
媽咪只好屈服，便領她出去。
清早起來時，媽咪心想：她好像已經有兩三星期入睡後都沒濕片，昨晚又識得要夜半上廁所；看來，可以戒夜片了。
昨晚一看，原來家中只剩下四五塊尿片，便跟爹哋說：用完呢包片唔買喇。
今天早上起來，媽咪驚訝地發現：女兒的尿片濕透了，連隨褲子和睡袋都沾濕了；便立時弄醒她：喂，你成身濕晒仲唔起身？
然後，媽咪便想：衰女，係咪玩嘢呀，尋晚先話唔再買尿片！
再然後，媽咪又心想：著片你都咁濕，無著咁點算？！