產後檢查

一般產後檢查是產後六週進行的，波波才六天大時我們第一次到健康院便預約這檢查，都要排到今天，女兒都快三個月大，說來是六週的六週後了，健康院的「生意」真好！
比起做嬰兒檢查的日子，是日健康院顯得很寧靜。而恕我大鄉俚，原來在那兒只需付出一元，便有家庭計劃輔導了！
是日先見姑娘，再見醫生。姑娘很健談，她問了很多問題，我最深刻是這兩條：

她：BB第幾週出世？
我：41週3日。
她：好清楚喎。
我：梗係啦，催極佢都唔肯出黎！
她：BB食緊咩？
我：母乳加奶粉。
她：好好喎，仲有餵母乳！
我：母乳得好少，否則我唔餵奶粉啦。
她：有乜所謂丫，好多人都係食奶粉，都係咁樣大。
我向她報以微笑，心中感激她的安慰。

至於醫生......cool到爆：
她先叫我拿一張紙鋪在床上，整理好衣服就躺上去，說話時是沒尾音的。
才過了十幾廿秒吧。。。
她：得未？
我（心慌慌）：得得得。
她：張紙鋪得唔夠前，你做乜將個腳踏踢入床底？
我心底很委屈，因為不是我踢的，卻也不爭辯。
她（命令式）：你坐得唔夠前，再前Ｄ！
一輪快手檢查（包括乳房、開刀傷口和陰道）後...
她：一切正常，傷口埋得好好，你體重都回落得好快，個肚好細啦！
我：吓？條腰仲好粗，肚腩仲好大喎...呢舊係咪脂肪黎（我指住肚腩問）？
她：哈哈，係脂肪黎架。你算好好喇，真係大果Ｄ你都未見過，好短時間啫，慢慢黎啦！
原來，醫生識笑的！
我告訴她近來我一直腰痛，她便叫我注意餵奶的姿勢，不要只顧著遷就BB；我再告訴她我近來偶爾有點頭暈，她看看我的眼簾，問我之前醫院有無開鐵丸給我，我說食完了，她便說開鐵丸給我回去。
我說出了自己的顧慮：我最近見過母乳姑娘，佢問我係咪食過好重鐵既嘢，食重鐵係咪會影響上奶架醫生？
她：有人咁講，但無證實過。今次開Materna俾你，係多種維他命，好過食鐵丸。
然後，她再三叮囑我要多進食蛋白質。
我想：母乳媽媽需要較多蛋白質吧。
離開健康院便到樓下排藥，點知藥房話醫生寫的藥名不清楚，藥紙又沒記下我的身分證號碼，於是得折返健康院去...擾擾攘攘，竟然多搞了幾乎半小時，好累好累！