閒聊笑話

又來一個八號風球——圓規。

趁下午未轉風球天氣未變壞前，大家外出走走，洩泄一下精力好，儲糧好，散散心也好。

點了一枱美食，有人似乎心情大好。今天，孩子沒吃小魔豆，感覺比較跳脫，彼此閒聊時，對話趣味盎然。

ＥＱ

媽：你呢幾日做乜咁易發脾氣，無嘢嘛？

女：我ＥＱ低丫嘛。

媽：你乜Ｑ都低！

（是指ＩＱ／ＥＱ ／ＡＱ這些，哈哈~）

時鐘

媽：今朝你幾點走過黎我地房？

女：八點半。

媽：亂講！當時天都未光。

女：五點四十六分。

見她說得斬釘截鐵，媽咪深知有人吹水。

媽：你當時睇住邊個時鐘？
女：生理時鐘。

ＡＢＣ

女兒複述跟表弟去年某天對話。

表：你老師叫咩名？

女：施老師。

表：你老師係Ａ老師、Ｂ老師定Ｃ老師？

女：唔係英文字母C啊！

靚女

又係女兒複述表弟對話。

表：你覺得自己靚唔靚仔？

女：我 一Ｄ都唔靚仔，永遠都唔會靚仔，最多只係靚女。咁你覺得自己靚唔靚仔？

表：ＯＫ啦。

此時，媽咪插嘴問：咁你有無問表弟，你靚女定佢媽媽靚女Ｄ呀？

女（得意洋洋)：有呀，佢話表姐靚Ｄ。唔通我真係咁靚女？

媽：梗係唔係啦，係你表弟唔識睇之嘛！

嘿嘿～

打大風前外出走走，和樂和樂。