被社會化

如常送女兒入校，是日上課前在禮堂集隊。幾位好友紛紛前來，想找咱們女兒玩耍，媽咪也通達地打算離去了，便一如以往想跟她ｋｉｓｓ　ｇｏｏｄｂｙｅ，但孩子這時別過臉，顯得不情不願，然後順勢溜走了。
每逢星期二、四到禮堂集合時，這孩子都不想跟媽咪太痴纏。
放學了。。。
媽：你今日唔同我ｇｏｏｄｂｙｅ　ｋｉｓｓ，我走之前又唔理我，你其實係咪唔想我送你返學，定係你唔鍾意我喇？
女：點會呢，我咁鍾意你！不過我唔想比Ｃ見到。
媽：點解呀？
女：我驚佢會笑我，佢連攬都唔會攬住佢媽咪。
媽：你驚Ｃ見到你同我咁親密，但你應該同Ｃ講，你好鍾意媽咪，同媽咪攬攬錫錫好親密又好開心架。
女：唔會啦，佢都唔鍾意佢阿媽，雖然佢阿媽好鍾意佢。
媽：點解呀？
女：佢阿媽好惡，成日鬧佢，又會趕佢出門口罰企。
媽：每個媽媽都好錫自己小朋友，不過會用不同方式，佢媽媽都係想教好佢啫。
女：我地Ｄ同學，上次見到電視套卡通片有兩個人錫錫，幾乎全班都大笑。我驚Ｄ同學會笑我。
聽罷，媽咪笑但不語。中國人社會，果然始終比較保守。加上，女兒開始看重別人的想法了。
媽：你記得嗎？幼稚園時，每次去到課室門口接放學，你都好似久別重逢咁，響課室跳來跳去，又不停大叫「媽咪、媽咪」，而家無ｌｕ，每次接放學，你都好平靜，哈。
女：校巴姨姨都唔俾我地叫啦。
嗯嗯，這就是孩子被「社會化」前後的分別了。