聖誕老人來了

記得去年聖誕節，媽咪給女兒製造了聖誕老人溜入我們家的場景，送了少少糖果給這孩子，她一直深信不疑，而且她當時一直擔心門窗鎖得不好，給聖誕老人偷走家中財物。

今年，她一早就向媽咪說想聖誕老人送她甚麼甚麼，媽咪一度懷疑她根本知道媽咪就是聖誕老人！

早前，在商場內見到有合意的小文具便買了下來，打算稍後放入聖誕襪內送給孩子，沒料到這晚給她無意中發現了。

女：你買俾我Ｄ禮物，我見到喇！

媽：會唔會係聖誕老人送比你架？

女：無可能！

媽：點解冇可能？佢可能一早爬咗入我地屋企送定俾你；咁多小朋友要禮物，佢梗要一早開工啦！

女（滿臉疑惑）：你要老實話我知，係咪真既？明明見到有價錢牌，佢點會去商店買嘢？

媽：你估聖誕老人唔使去買禮物咩！

女：佢塊面咁紅，去到買嘢咪會嚇親人囉！

（（不知怎地，女兒總是相當懼怕聖誕老人的外貌）

媽：你有冇同佢講過你想要乜？

女：佢就係知我鍾意呢Ｄ文具囉。

媽：係囉係囉，佢原來知道架。

然後，她就信了。

雖然媽咪有時也懷疑這樣有點欺哄成分，但也盼望這些片段會成為她長大後一個單純美好的回憶。

嘿嘿，到底她還會信幾多年呢？！