叉電記

去年生日時，女兒收到隻兒童版的智能手表，她一直珍而重之。手表內置好些遊戲程式，所以媽咪不容許她戴回校，於是她多半會趁假期時帶出街玩。
沒玩一排，手表要叉電了，這天外出前，她向爹哋借了個尿袋來。
外出之際，孩子一手握著表子，另一手拿叉電器。兩手都忙著，她忽爾需要媽咪協助辦點甚麼事情。
媽：你將手表呢一抽嘢放入背囊，咁咪可以騰出兩隻手做其他嘢囉。
女：唔得架！
孩子這時萬分緊張的指住叉電線的插頭，繼續說：爹哋話呢個位唔摺得，如果摺咗，個叉電器會爆炸架！
媽（喪笑）：佢真係咁講？
女（極度認真）：係呀！
媽忍笑追問：爹哋真係話佢會爆炸？
女：係真架。
這時，爹哋正好朝我們方向走來。
媽（爆笑）：你同個女講個插頭摺住會爆炸？
爹：我係話如果摺住，個插頭好容易壞。
媽：咁啊女即係無限延伸。。。？
爹：可能聽得我地之前講話Ｄ叉電會爆炸，不過我唔否定個插頭摺得多會唔會爆炸。
這到底算是給女兒一個下台階吧。
然後，媽咪也向女兒胡亂說了一句：你都有留意時事喎！