考試中段有感

一轉眼女兒便考了兩天試，即考期已過一半。
已有上次考試的經驗，本來孩子今次應該比較在行，不過因為她還是首次要到圖書館應考某些卷，聽她也有表達點點不適應和不滿：
女：今次份卷要考一個鐘，之前都唔使考咁耐！一考完就要返課室，無得小息，連廁所都無得去！
沒法子，因為她的答題時間增長了，於是別人的小息時間，她仍得坐著做卷。不過，連廁所都去不成，媽咪心底還是相當同情。

她的社交圈子，確然不是一般的大：
女：一年班除咗我，仲有ＸＸＸ同我一齊去圖書館考試。
媽：ＸＸＸ係你班同學？個名咁熟。
女：佢係隔籬班架。
媽：隔籬班你都識幾多人喎。
 
上次考中默相當理想，但這回應該不似預期：
女：詞語我都識默，但課文有好多字都唔記得點寫。
沒有了小息，也是沒法子了。起床之後，她應該在默中文之前連看都沒看過書一次，把字都忘記了，也很正常吧！

有些安排，也是媽咪意料之外的：
女：今日做咗一份放大卷，老師話家長可以申請兩份放大卷。
媽：放大卷？媽咪冇申請喎！

除了對考試程序諸多意見之外，女兒對媽咪替她溫習亦有微言：
女：媽咪你幫我溫漏咗書啊！
媽（心想）：咁大鑊？！
女：（聖經科）問大雨落咗幾多日，你都無同我溫，我是旦寫咗五日。
吓？明明媽咪是協 助她溫習而已，她不懂答試題，為何演變成媽咪的責任？

女：聖經科好深，好多字唔識寫。
媽（再心想）：明明以前讀書，最容易就係考聖經！
女：好多字唔識啊！
媽：金句不是供詞的嗎？
女：（聖誕）是紀念耶穌降生，我唔識個誕字點寫，有好多題無字揀架。
哦哦，咁你自求多福吧！