母親節前的Happy Friday

放學了。
孩子才從課室走出來，便立時心急地打開美勞袋，原來要送張母親節卡給媽咪。
女：媽咪，母親節快樂！
伴隨著此話的，是一個熱情的擁抱。

今年這張母親節卡的複雜程度又提升了一些

然後，她講解自己設計的卡子：後面呢個係我，我拎住雪糕。老師話要畫Ｄ媽媽鍾意既嘢，咁你鍾意我嘛，所以我畫自己囉。

 

她，顯然有點自戀。 但，媽咪不能否認自己很愛她。
媽：咁點解有杯雪糕？
女：我鍾意食雪糕嘛，你都鍾意食啦。
除了自戀，她還是相當自我中心的。
不過，收到女兒親手做的賀卡，媽咪心底還是很有暖意的。
女：媽咪，老師尋晚成晚無瞓啊。你睇張卡上面好多閃令令，佢話尋日成晚同我地三十一個小朋友整到張卡咁靚，所以冇瞓到覺！
媽咪看看卡子，果然見上面有許多閃粉。就算每張要花上一分鐘來塗上閃粉筆，也是半小時的工作而已。呵呵，這個年紀的小孩，相當單純，連這種大話都深信不疑！當然，媽咪不會揭穿班主任在女兒心目中這個無私奉獻、捨己為她們的形象。

孩子還送了這張心型卡給媽咪呢

會合爹哋後，他提議不如提早慶祝母親節，便討論去哪兒好。
女兒立時提議：不如去食火車壽司？
媽咪笑說：而家係慶祝母親節，唔係兒童節喎。
女兒追問道：咁幾時兒童節？
兒童節？明年吧！
結果吃了甚麼？正是那間小朋友多半都很喜愛、由日式高速火車傳遞的壽司店！

頭戴壽司帽子，呵呵