B li ba la

早前在油站入油後，獲贈了一張車窗貼，貼紙一直閒置在車廂內。
是日送上學時，才登車。。。
女：媽咪，俾果個聾咗既咩我丫。
女兒只記得該卡通人物聾了，嘿嘿～～
媽（大笑）：佢叫聾貓呀。
為了培養女兒的想像力和創造力，媽咪問：佢係聾咗既貓，不如我地諗下點解佢聾咗？
女（不假思索）：因為佢媽咪成日b li ba la b li ba la，所以佢聾咗。
好一個含沙射影的小丫頭！
媽：你係咪想話我成日向你b li ba la？
女：係呀，哈哈哈！
這個年紀的孩子，坦白得可以！
的確，過去三日的長週末，媽咪向女兒b li ba la的頻率相當高。
媽：咁你要檢討下，自己係咪做得唔夠好，我講極你都唔聽，搞到我成日bla bla bla喇！
然後，又換來孩子一串鈴樣的笑聲。
這個孩子，雖然常常不理後果地有點衝動，但，以這年紀而言，媽咪覺得她的自省能力算是相當不俗，起碼每次把媽咪激到死去活來後都識得講：我會乖喇，我唔會再咁做喇。
希望這些話不會成為她的口頭襌就是了。

不令人勞氣時，她其實相當叫人歡樂忘憂的